(စိတ်အကြံကို ညွှန်ပြခြင်း စွမ်းရည်)

စိတ်အကြံကို ညွှန်ပြခြင်းစွမ်းရည်ဆိုတာ သူတပါးရဲ့စိတ်ဖြစ်ပုံအခြင်းအရာကို သိပြီး ညွှန်ပြ ပြေဆိုနိုင် တဲ့စွမ်းရည်ပါ၊ အာရုံပြုလိုက်တာနဲ့ သူတပါးရဲ့စိတ်အကြံအစည်ကို အမှန်အတိုင်း သိနိုင်တဲ့ စွမ်းရည်ထူးပေါ့။

(သင့်စိတ်ထဲမှာ ၀မ်းနည်သလိုမျိုးခံစားနေရတယ်။ ဒီမှာလာတုန်းက သင့်စိတ် ထဲမှာ ပျော်ရွှင် နေခဲ့တယ်။ သင့်အခုတလော ဘာအကြောင်းအရာကို စဉ်းစားနေတာမို့လား၊ သင့်မှာ ဒေါသ အာဃာတတွေ တစ်နေ့ တစ်ခြား ကြီးထွားလာနေပြီ)

စသည်ဖြင့် မှန်ကုန်အောင် တိတိကျကျညွှန်ပြနိုင်ပါတယ်၊ ဘုရားရှင်နဲ့ရဟန္တာအရှင်မြတ်အချို့ဟာ ဒီလိုစွမ်းရည်မျိုးနဲ့သတ္တ၀ါတွေရဲ့စိတ်ကို အနုစိတ်သိတော်မူကြတာပါ၊ သိတော်မူပြီးမှ သတ္တ၀ါတွေရဲ့ စရိုက် အလိုက် ဟောကြားဆုံးမပြိး ဓမ္မအသိဥာဏ် ရင့်သန်လာအောင် ဆောင်ရွက်တော်မူကြပါတယ်။

ယနေ့ခေတ်မှာလည်း ကြည့်တတ်ရင်မြင်နိုင်ပါတယ်၊ ဒကာဒကာမအသိုင်းအ၀ိုင်းပေါများရေး၊ ဘုန်းကံ ကြီးမားရေးနဲ့နာမည်ကျော်ကြားရေးအတွက် ဒီနည်းဆန်ဆန်မျိုးတွေကို အသုံးပြုနေတာတွေ မြင်ကြား သိနေရပါတယ်၊ ဘုရားရှင်ရဲ့ တရားဓမ္မအဆုံးအမတွေကို မျှဝေချင်လို့တွေ့ ဟုတ်ဟန်မတူပါဘူး၊ တချို့သော ပုဂ္ဂိုလ်တွေရဲ့စည်းရုံးနည်းက ဒီလိုပါ

(အော် ဒကာမကြီးတို့ မိသားစုရောက်လာကြပြီလား၊ ဆရာတော်တောင် အခုပဲဒကာမကြီးတို့ ပုံရိပ်တွေ စိတ်ထဲမှာ ထင်လာလို့ မေတ္တာပွားနေတာ၊ မေတ္တာပွားလို့တောင် မပြီးသေးဘူး၊ ဒကာမကြီးတို့က ရောက်လာကြတာကိုး)

ဒီလိုမျိုး၀မ်းသာအားရ ပြောတတ်ကြပါတယ်၊ ဒီလိုပုံစံမျိုးနဲ့ဆက်ဆံခွင့်ရတဲ့ အခါတချို့ဒကာ၊ ဒကာမတွေဟာ စုတ်ကြီးလာဘ်ကြီး၀င်လာသလိုမျိုး ၀မ်းသာအားရဖြစ်သွားတတ်ကြပါတယ်၊

ဆရာတော်က ငါတို့အပေါ်မှာ မိသားစုအရင်းအချာလိုပဲ

          ဆရာတော်က မေတ္တာတရားသိပ်ကြီးမားတာ

          ဆရာတော်က ငါတို့လာမှာကိုကြိုတင်သိနေတာ

ဒီလိုအမြင်တွေနဲ့ ကြည်ညိုမှုလွှဲမှားကုန်တတ်ကြပါတယ်၊ သိက္ခာသုံးပါးပြည့်ဝတဲ့ ရဟန်းတော် များထက် ဒီလိုဟန်ရေးပြတတ်တဲ့ ရဟန်းတော်များကို ပိုပြီးဆည်းကပ်ကိုးကွယ်သွားတတ် ကြပါတယ်၊ လမ်းမှန် ပေါ်ကနေ လမ်းချော်သွားတတ်ကြပါတယ်၊ စစ်မှန်တဲ့သဒ္ဓါရဲ့နေရာမှာ တဏှာက နေရာယူ လာပါတယ်။

ရိုးသားစွာနဲ့ အမှန်တရားကို ပြောဆိုိခဲ့ရင်တော့ အပြစ်ကမကြီးသေးပါဘူး၊ ရိုးဂုဏ် ရှိနေသေးတဲ့ အတွက် လမ်းမှန်ပေါ် ရောက်ခွင့်ရှိပါသေးတယ်၊ ဒါပေမဲ့အကြောင်းထူးမရှိဘဲ ပြောဆိုတာမျိုးကို ဘုရားရှင် စတဲ့ သူတော်စင်များက မလိုလားမနှစ်သက်ကြပါဘူး၊ ကိုယ့်ဘက်ညွှတ်ကိုင်းလာအောင်၊ ကိုယ့်ကို ဆည်းကပ် ကိုးကွယ်လာအောင် စည်းရုံးရေးသဘောနဲ့ပြောဆိုမိခဲ့ရင်တော့ တစ်နေ့တစ်ခြားကိလေသာ အပူမီးတွေ တိုးပွားလာပါတယ်၊ နိဗ္ဗာန်အကြောင်း ပါးစပ်ကထုတ်ဖော်ပြောနေပေမယ့် နိဗ္ဗာန်နဲ့ကြာလေ ဝေးလေလို့ ဆိုရတော့မှာပါ။

စာရေးသူရဲ့ကိုယ်တွေဖြစ်ရပ်လေးကိုပြောပြလိုပါသေးတယ်၊လွန်ခဲ့တဲ့အနှစ်၂၀လောက်ကပေါ့။ဆရာဘုန်းကြီးမြ၀တီမင်းကြီးဆရာတော်၊မန္တလေးနဲ့အတူမြန်မာပြည်အထက်ပိုင်းကိုစာရေးသူရောက်သွားပါခဲ့တယ်၊အထက်ပိုင်းကလူအများစုဟာရိုးသားတဲ့အသွင်၊အေးဆေးတဲ့အသွင်ပေါ်လွင်ကြပါတယ်၊ဘာသာရေးကိုလည်းအလေးထားတတ်ကြပါတယ်၊စာရေးသူတို့ရောက်သွားတဲ့အခါနေအိမ်တွေမှာပင့်ပြီးဆွမ်းကပ်ကြ၊တရားနာကြ၊လှူဒါန်းကြနဲ့ပြုံးပျော်ကြည်နူးနေကြပါတယ်၊

တစ်နေ့တော့အရွယ်ခပ်လတ်လတ်အမျိုးသမိးသုံးယောက်လောက်ရောက်လာကြတယ်၊ဆရာဘုန်းကြီးကိုလျှောက်ထားနေတဲ့အသံကိုစာရေးသူအတိုင်းသားကြားနေရပါတယ်၊

တစ်နေ့ကတပည့်တော်တို့တစ်တွေဆရာတော်တစ်ပါးဘုရားတည်နေတဲ့တောင်ပေါ်ရောက်သွားကြတယ်၊ဆရာတော်ကရှေ့က၊တပည့်တော်တို့ကနောက်ကလိုက်ပေါ့၊တောင်ပေါ်ရောက်တဲ့အခါဆရာတော်ကအမိန့်ရှိတယ်ဘုရား၊နင်တို့ကတွေးကြလိမ့်မယ်၊လူသူအရောက်ပေါက်နည်းတဲ့တောင်ပေါ်မှာဘာဖြစ်လို့ဘုရားတည်တာလည်းပေါ၊့သဒ္ဓါတရားရှိတဲ့လူတွေကတော့လာဖူးကြမှာပဲ၊နောက်ပြီးမမြင်နိုင်တဲ့နတ်မြတ်နတ်ကောင်းတွေလည်းဖူးမြော်နိုင်ကြတာပေ့ါတဲ့၊ ဆရာတော်က တပည့်တော်တို့ရဲ့စိတ်ကို ကြိုတင်သိနေတယ်၊ ရိုးရိုးပုထုဇဉ်တော့ မဟုတ်လောက်ဘူး၊ တဲ့။

ဆရာဘုန်းကြီးကတော့ ခပ်တိုတိုပဲ ဖြေကြားလိုက်ပါတယ်၊ (ကိုယ်လုပ်ဆောင်နေတဲ့ အလုပ်ကို ဆင်ခြင်သုံးသပ်ပြိး အခြားသူတွေ ဘယ်လိုပြောဆိုလာနိုင်တယ်ဆိုတာ ဆရာတော်အနေနဲ့ ကြိုတင် တွက်ဆပြီး ဖြစ်နေမှာပါ၊ ဒါကြောင့် ဒီလိုမျိုး အမိန့်ရှိလိုက်တာ ဖြစ်နိုင်တယ်) တဲ့။

စာရေးသူအကဲခတ်ကြည့်လိုက်တော့ အမျိုးသမီးတွေရဲ့ မျက်နှာပေါ်မှာ ရိုးသားမှုကို ရှာဖွေတွေ့ ရှိပါတယ်၊ ဘုရားတည်တဲ့ ဆရာတော်က ဘယ်လို ရည်ရွယ်ချက်နဲ့ မိန့်တယ်ဆိုတာကို စာရေးသူသိခွင့် မရပါဘူး၊ ဒါပေမဲ့ ဒကာမတွေရဲ့ နှလုံးသားမှာတော့ အထင်ကြီး စိတ်၊ လေးစားကြည်ညိုစိတ်တွေ ပြည့်လျှံနေလိမ့်မယ်ဆိုတာ သံသယရှိနေစရာ မလိုပါ ဘူး၊ နောက်ပိုင်းမှာတော့ ဟိုလူပြော ဒီလူပြောနဲ့ သူတို့ရည်ညွှန်းတဲ့ ဆရာတော်အ     ကြောင်းကို အနည်းငယ်သိခွင့်ရခဲ့ပါတယ်၊

(ဘုရားတည်တဲ့ဆရာတော်ဟာ ဘုရားရှင်အလိုတော်ကျမဟုတ်ပေမဲ့၊ လူအများအထင်ကြီးလောက်တဲ့ ထူးဆန်းတဲ့ကိစ္စမျိုးလေးတွေကို ပြုမူတတ်တယ်၊ ပြောဆိုတတ်တယ်။ အာဏာပိုင်ပုဂ္ဂိုလ်တွေနဲ့လည်း ၀င်ဆန့်တယ်) တဲ့။

စောစောကပြောခဲ့သလိုမျိုးပေါ့၊ ရိုးဂုဏ်ကင်းပြိး ဒီလိုနည်းလမ်းမျိုးတွေကို အသုံးပြုမယ်၊ ပြည်သူလူထုကို ကိုယ့်ဘက်ပါအောင် ပြောဆိုစည်းရုံးမယ်ဆိုရင် အပြစ်က ကြီးသွားနိုင်ပါတယ်၊ သွယ်ဝိုက်တဲ့နည်းနဲ့ ကိုယ့်ကိုယ့်ကို ဈာန်အဘိညာဉ်စတဲ့ တရားထူးတရားမြတ်တွေ ရထားပါတယ်လို့ ၀န်ခံရာရောက်သွားလို့ပါ။

အမှန်အကန်ဖြစ်ခဲ့ရင်တောင်မှ စိန္တာမဏိကာလို့ခေါ်တဲ့ လောကီအတတ်ပညာမျိုးနဲ့ ထင်ယောင်ထင်မှား ဖြစ်သွားနိုင်ပါတယ်၊ ဒီလိုဖြစ်သွားနိုင်လို့ပဲ သွန်သင်ဆုံးမခြင်းစွမ်းရည်မပါဘဲ စိတ်အကြံကို ညွှန်ပြခြင်းစွမ်းရည်သက်သက်မျှ အသုံးချတာကို ဘုရားရှင်နှစ်သက်တော်မမူတာပါ။နောက်ပြီး ဒီလုပ်ရပ်မျိုးကို စက်ဆုပ်ရွံ့ရှာတော်မူကြောင်း၊ ဒီလုပ်ရပ်မျိုးဟာ ကိုယ်တော်မြတ်ကို နှိပ်စက်ရာရောက်ကြောင်း ပြတ်ပြတ်သားသား မိန့်ကြားတော်မူခဲ့ပါတယ်၊

ဒီလိုစွမ်းရည်မျိုးကို အသုံးပြုတာဟာ ကေ၀ဋ္ဋသူကြွယ်ရဲ့နည်းလမ်းမျိုးဖြစ်တဲ့အတွက် စစ်မှန်သော သာသနာပြုနည်းဆိုတာမဖြစ်နိုင်ပါဘူး၊ ဒါဆိုရင် သဒ္ဓါများပြိး ပညာအားနည်းတဲ့အတွက် ထူးပေ့ဆန်းပေ့ဆိုတဲ့နောက်ကို တစ်ဝုန်းဝုန်းလိုက်ပြီး ကိုးကွယ်နေကြသူတွေအနေနဲ့ ဆင်ခြင်စဉ်းစားနိုင်လောက်ပါပြီ။

မြစကြာဆရာတော်အရှင်ဣန္ဒကာဘိဝံသ

စစ်မှန်သောသာသနာပြုနည်းမှ