( သညာသိ )
အသိထဲမှာ သညာ ပညာ
နှစ်ဖြာခွဲထား အလွှာပါးကြောင့်
တရားအစစ် ဥာဏ်မဖြစ်ရှာ
လွန်နစ်နာ၏။
ရုပ်နာမ်နှစ်ဖြာ ငါးခန္ဓာကို
ဖန်ခါခါရှု နာကြားမှုကြောင့်
ဖြစ်မှုလဲပေါ် ပျက်မှုပေါ်ဟု
ကြွေးကြော်နေငြား
ဥာဏ်အားမထင်
မှန်သားပြင်ဝယ် ရိပ်သွင်ထင်လာ
ကဲ့ပမာသို့ သေချာစေ့ငု
အသိတုပင် အစစ်ထင်၍
မဂ်တွေ့စကား ခပ်ပါးပါးနှင့်
ခပ်ကြွားကြွားဆို
လူဗိုလ်လည်မှာ
သူ
ထည်ဝါ၏။
ထည်ဝါသူ့အနား လူအများလည်း
တရားတွေ့လို ဆည်းကပ်လိုသူ
ကြည်ညိုသူများ လွန်ကျော်ကြား၍
များပြားစည်းစိမ်
မီးရှိန်ရှိန်တက်
တစ်ချက်သတိ မေ့လိုက်မိချိန်
ခန္ဓာအိမ်မှာ သညာသိပျောက်
မူလရောက်က …
မိုးဦးကျတွင်
သွင်သွင်စီးဖိတ် တစက်မြိတ်အောက်
ပိတ်မှောက်အိုးတွင်
မ၀င်မိုးရေ
ဖြစ်ရလေသို့……….။ ။
သုဝီရ
